श्रीपतराव भोसले उच्च माध्यमिक विद्यालय यशाची परंपरा कायम : सुधीर अण्णा पाटील
श्रीपतराव भोसले उच्च माध्यमिक विद्यालयात बारावी बोर्ड परीक्षेतील गुणवंतांचा सत्कार
धाराशिव (सा. संत गोरोबा काका समाचार वृत्तसेवा)
श्रीपतराव भोसले माध्यमिक व उच्च माध्यमिक विद्यालय मध्ये यशाची परंपरा या वर्षी सुद्धा कायम राखली आहे. त्याबद्दल सर्व विद्यार्थ्यांचे तसेच त्यांना ज्ञान देणाऱ्या शिक्षकांचे व पालकांचे म्हणावे तेवढे आभार कमीच आहेत. ग्रामीण भागातील विद्यार्थी व विद्यार्थिनी यशाच्या शिखरावर जात आहेत. अशी माहिती संस्था अध्यक्ष सुधीर (अण्णा )पाटील आयोजित पत्रकार परिषद बोलत होते.
तसेच ते पुढे म्हणाले की,
दिनांक २१ मे रोजी महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने फेब्रुवारी-मार्च २०२४ मध्ये घेण्यात आलेल्या उच्च माध्यमिक प्रमाणपत्र (इ. १२ वी) परीक्षेचा निकाल जाहीर झाला. या परीक्षेत श्रीतपराव भोसले माध्यमिक व उच्च माध्यमिक विद्यालयाने लातूर विभागात आपल्या दैदिप्यमान यशाची परंपरा कायम राखली आहे. विद्यालयातील 12 वी बोर्ड परीक्षेसाठी सर्वाधिक विद्यार्थी संख्या असूनही उल्लेखनीय यश विद्यालयाने मिळविले आहे. विज्ञान शाखेतून एकूण 864 विद्यार्थ्यांनी परीक्षा दिलेली होती, त्यापैकी 849 विद्यार्थी उत्तीर्ण झाले आहेत. त्यातील 241 विद्यार्थी हे विशेष प्राविण्यासह उत्तीर्ण झालेले आहेत. या शाखेचा सरासरी निकाल 98.26% एवढा आहे. विज्ञान शाखेमधून प्रथम क्रमांक दिरगुळे प्रथमेश सिताराम शेकड़ा 543 गुण 92.50% व्दितीय कु.पवार स्नेहल विजय 541 गुण 91.00% तसेच तृतीय क्रमाक कु.सांळुके ऋतुजा जयवंत 540 गुण 90.00% प्राप्त केले. विद्यालयाच्या कला शाखेतुन 251 विद्यार्थ्यांनी परीक्षा दिली होती, त्यापैकी 199 विद्यार्थी उत्तीर्ण झालेले आहेत. त्यातील 12 विद्यार्थी हे विशेष प्राविण्यासह उत्तीर्ण झालेले आहेत. या परीक्षेला एकूण 46 विद्यार्थी गैरहजर होते. या शाखेचा सरासरी निकाल 98.00% एवढा आहे. कला शाखेमधुन प्रथम क्रमांक कु.आहेर कोमल बाळासाहेब 554 गुण 92.33%, व्दितीय कु. शिंदे निकिता बाळासाहेब 536 गुण 89.33%, तृतीय कु.तांबारे अमृता किरण 527 गुण 87.83% आहे. तसेच वाणिज्य शाखेतून 122 विद्यार्थ्यांनी परीक्षा दिली होती, त्यापैकी 118 विद्यार्थी उत्तीर्ण झाले आहेत. त्यातील 20 विद्यार्थी हे विशेष प्राविण्यासह उत्तीर्ण झाले आहेत. या शाखेचा सरासरी निकाल 97.47% एवढा आहे. वाणिज्य शाखेमधुन प्रथम क्रमांक तांबे रामदास लक्ष्मण 552 गुण 92.00%, व्दितीय क्रमांकाचे दोन विद्यार्थी , कु.रोटे वैष्णवी महादेव 535, गुण 89.17%, व लांडे रोहित ईश्वर 535, गुण 89.17% व तृतीय क्रमांक कु.मोरे किर्ती प्रकाश 532 गुण 88.67% आहेत.
यावेळी संस्था अध्यक्ष श्री.सुधीर (आण्णा) पाटील सर, आदर्श शिक्षण प्रसारक मंडळाचे प्रशासकिय अधिकारी श्री. आदित्य पाटील सर, विद्यालयाचे प्रशासकीय अधिकारी श्री. एस. एस. देशमुख सर आदींनी सर्व गुणवंत विद्यार्थी व त्यांच्या पालकांचा सत्कार केला. या सत्कार समारंभासाठी पत्रकार परिषदेचे विविध पदाधिकारी, पत्रकार, संस्थेचे विविध पदाधिकारी तसेच सर्व प्राध्यापक, विषयप्रमुख, शिक्षकेत्तर कर्मचारी उपस्थित होते.