श्री.तुळजाभवानी मंदिर संस्थान ऑनलाईन पध्दतीने सिंहासन पुजा*
नोंदणी करण्याचे आवाहन*
धाराशिव (सा. संत गोरोबा काका समाचार वृत्तसेवा): महाराष्ट्राची कुलस्वामीनी श्री तुळजाभवानी देविच्या दर्शनासाठी संपूर्ण महाराष्ट्रासह आंध्रप्रदेश, कर्नाटक, तेलंगना व इतर राज्यातून मोठ्या संख्येने भाविकांची कुलदेवता असल्याने या ठिकाणी कुलाचार व कुलधर्म करण्यासाठी येतात.
श्री देविजीची सिंहासन पुजा ही अत्यंत महत्वाची मानली जाते.ही सिंहासन पुजा नोंदणी ऑनलाईन पध्दतीने श्री तुळजाभवानी मंदिर संस्थानच्या अधिकृत संकेतस्थळावर https://shrituljabhavani.org उपलब्ध करून देण्यात येत आहे.
जानेवारी 2024 महिन्याच्या सिंहासन पुजेच्या नोंदणीसाठी वेळापत्रक करण्यात येत आहे.माहे जानेवारी 2024 मधील सिंहासन पुजा ऑनलाईन पद्धतीने स्विकारण्यात येतील. याची सर्व भाविक भक्त, महंत, पुजारी, सेवेकरी व नागरीकांनी नोंद घ्यावी.तसेच भाविकांनी सिंहासन पुजा श्री तुळजाभवानी मंदिर संस्थानचे अधिकृत संकेतस्थळ https://shrituljabhavani.org यावरून सिंहासन पुजा पास बुकींग या मेन्युवर क्लिक केल्यानंतर https://shrituljabhavanimataseva.org या लिंकवर प्रवेश करून भाविकांनी आपली सिंहासन पुजेची नोंदणी करावी.
सिंहासन पुजा नोंदणी 21 डिसेंबर 2023 रोजी सकाळी 10 वाजल्यापासून ते 26 डिसेंबर 2023 रोजी सकाळी 10 वाजेपर्यंत करता येईल.ऑनलाईन ड्रॉ पध्दतीने प्रथम सोडत व भाविकांना पेमेंटसाठी SMS 27 डिसेंबर 2023 रोजी 10.30 वाजता पाठविण्यात येतील. भाविकांनी प्रथम सोडतीचे ऑनलाईन पेमेंट 27 डिसेंबर सकाळी 10.30 ते 28 डिसेंबर सकाळी 10.00 पर्यंत करावे. सिंहासन संख्या पूर्ण न झाल्यास ऑनलाईन ड्रॉ पद्धतीने व्दितीय सोडत व भाविकांना पेमेंटसाठी 28 डिसेंबर 2023 रोजी सकाळी 10.30 वाजेपर्यंत SMS पाठविण्यात येतील. भाविकांनी व्दितीय सोडतीचे ऑनलाईन पेमेंट 28 डिसेंबर रोजी सकाळी 10.30 ते 29 डिसेंबर रोजी सकाळी 10.00 वाजेपर्यंत करावे. प्रथम व व्दितीय फेरीत सिंहासन संख्या पूर्ण न झाल्यास ऑनलाईन ड्रॉ पध्दतीने तृतीय सोडत व भाविकांना पेमेंटसाठी 29 डिसेंबर रोजी सकाळी 10.30 पर्यंत SMS पाठविण्यात येतील. भाविकांनी तृतीय सोडतीचे ऑनलाईन पेमेंट 29 डिसेंबर रोजी सकाळी 10.30 ते 30 डिसेंबर रोजी सकाळी 10.00 वाजेपर्यंत करावे. माहे जानेवारी 2024 या महिन्यातील अंतीम सिंहासन पुजा बुकींग झाल्याची यादी 30 डिसेंबर रोजी सायंकाळी 5.00 वाजेपर्यंत प्रसिध्द करण्यात येईल. वरील प्रमाणे भाविकांनी सिंहासन पुजा नोंदणीचा लाभ घ्यावा.असे आवाहन श्री तुळजाभवानी मंदिर प्रशासन, तुळजापूर यांनी केले आहे.
*****